X
|
ساقي دشت كربلا (سروده :محمد كرم زاده) ساقي دشت كربلا اباالفضل كر علي مرتضي اباالفضل وري ده جا ياري بكو براره دلداري بي خوئر بي قراراه وه دس بئير قبضه ي ذوالفقاره برار خو و با وفا اباالفضل ادامه مطلب
مه ابوالفضلم و ظالم كشي آيين منه عشق سالار شهيدو ده رگ و خين منه مه كر حيدر كرارم كه شو وا دل و جو وه گرده آذوقه موئرد در حونه يتيمو خود دوني امالبنين دالكه سرافراز منه عفت دامون زهرا قبله راز منه مكتب سر شهادت مكتب عشق منه راه و رسم سروداري درس و سرمشق منه مه كر رشيد سردار دلير خيبرم زاده ام البنين نور چش پيغمبرم بوسه گاه مصطفي بي اوسه هر دو دس مه كه چني غلطو ده خينه پيكر بي كس مه وارث شمشير ذوالفقار دس حيدرم مه علمدار حسي سقا و مير لشگرم
نوم جاه ظویر بی شر شر هور بی ا جلوه آو سپاه عمر بی
خیمه یه حسین بی آو کی منوین اولیه تینی و سیاه زمین عباس هت او سی خیمیه کردی عصر دا ار چیم چوی باوه مردی یکی مشک پتی نیایتی روی دل آولی کی دیته پیا من خجل خدا سی آولی پرپر بکه تو سی یو ای هشکه اصغر بکه تو مر سقا بمری خیمه باو بی آو و خدا قسم مگر عباس ناو مه آوه مارم کی میم هونه سی روله اصغر چطور گریونه رباب وت عباس تو نچو سقا بعد تو والله حسینه تنیا نچو ای سقا نچو اری آو جامالمو برا نکه تو خرآو مشکی آوشتی شو داتی دل لشکر کس نویی هم رزم کر شیر حیدر رسی وه یو آو بعد چن سپاه کر حیدر منو مشک پتی آوا آو آوردی یو دم تا تکی بیری مه سیر آو بو مو حسی بمری نه نه نمیرم رشونی مشت آو مه سیر آو بومو او تمارزو آو منتظر آون او مه آو بیرم تک ار مه آوم برد میریمه گرد یک مشک پر آو و شو سقا بی تشنه دشمن منتظر وه تیر و دشنه ا پشت نی ای دشمن بی حیا و تیری آوشتی داتیر دس سقا سقا وت دیرم مه حالام چپ دس آوه مورم ار داشتوم مه نفس شمر و سپا هه و نوم ری سقا آون هزارو ای تک و تنیا دس چپ سقا هم تیری هوردی موات کاش قلبم تیره مه هوردی
چراخ ایل و آبادی منی تو هناسی روژَلِ شادی منی تو یادگار شمشیر حیدر تونی خین ِ سُرِ فاتح خیبر تونی قد علم کو تا ده دل ماتم روئه تا ده سینه ایل بار غم روئ
آسمون بی آساره (سروده : خاطره جلدانی) آسمون بی آساره زینب بی حونمو ائی فلک وا تیغ خنجر می زنه وه جونمو کربلا تش وه دله سی حلق علی اصغرش می زنه وا سر و سینه کو گُلیاکه پرپرش؟ شیعیو امشو گلاره آسمو بی دلگرو ظلمه کهه بِفتَه علی اصغر وه دس کافِرو تا قیامت چش شیعه پر ده بارون خدا تش بی دی زنسه ده مین دل شاه و گدا
اي يادگار بابا كو خسروو غمينت اي اسب چو سوار له له چاوت پور زه خوينه و سر يش كي بي آئو شيعه يه حزينت اي اسب يال و خوين رنگ او يار با وفا كو *********** كمي خدا شكست دا و بخت بي زوالت كي دايه آگر كين و خيمه يه خيالت اي بي ستاره كو چي آو كوكب و جلالت اي اسب شاه بي كس قبله ي خدا نما كو ************* اي زين واژگونته چو بي سواره اي اسب اي يال غرقه خوينته چاو بي سواره اي اسب يه قتلگاه خوينه كوم شهرياره اي اسب اي روژتان و جورا آو يار با وفا كو ************
من اسيرم چو و يا كم چونه هجرانت برا كي دوا كيي كي بشوري زخميه گيانت برا بسته ي بدل خمت بي صور و آرامم برا رنگ بي رنگي و زينو عازم شام بلا **************** شيش برا و خاك و خوين باره نيامه جا و چيم شعله بارم غم نصيبم روژ گرم بي كسيم تيره روژم غم نصيبم بي سر انجامم برا رنگ بي رنگي و زينو عازم شام بلا *****************
بي تو شك دارم و آو و آينه**** د غمت د غصه لبريزم برار ************* رتي وا اي بي كسي هيشتيم برار**** ا فلك حيفه بميره تك سوار قافله منه اسيري ها موره**** و گمونم برج پاييزه برار ************** سر برينه پيكرت وا تيغ تيز ****تشنه يه آو رووني اي برار جونه مه ها تش دي دي ميزنه *****كربلا دشت بلا خيزه برار **************** يش بچونم و ري دامون مه *****داغ عباس سوخته سخونم اي برار تش دي دي ميزنن و خيميا *****وري ا ميد كسونم برار ***************** پا پتي و ري خار ها ها ميريم**** وري بير تقاص خوورت (خواهرت) برار وري وه اهل حرم برسو آو***** ريزسه (ريخته) باد خزو د لاله زار ****************
ياد سكينه تش زه و جونم ا يو يا حوشكش برده امونم وننه وا تير جفا مشكه د شونم ***************** مننه سي آو حاليه مشكم سي يويا طفلو ميريزه اشكم اهل حرم كي مننه تشنه وقتي كه آو نارم سي چي زنه بمونم ****************** رسم وفا ني م د يو آو بچوني تشنه م بوم سير آو مشكنه مورم و حرم قيمت جونم ******************
بیرق وردار ابوالفضل برارم ساقی یو تشنه او دشمه شکارم
***************** یدف هنی اومامه ریته بینم و مه سیی بکو تو شیر دلیرم ******************
آه جانسوزم تمام آسمان را تيره كرد اين گلوي پاره پاره عالمي را خيره كرد خون ببار اي ديده از غم روي دستم پيش چشمم كودكم شد ذبح اعظم آه و واويلا علي جان *************
لم یا قوم تریدون ببغی و فساد لم تسعون بقتلی بلجاج و عناد لیس والله سوانا خلف بعد النبی فرض الله علی طاعتنا کل عباد
ای اسب بی سوار از اینجا گذر نکن با خون یال خویش غـمی بیشــتر نکن
ای کر ام البنین که دو دسیات بیه جدا پیچسه د داغ تو د خیمیا خدا خدا رقیه هنی منه چش انتظار دل و تما نور چش مرتضی ساقی دشت کربلا *****************
ای برار که و دس ت تیغ دو دم ذوالفقار حمله کو و کوفیو ا قومنه بک تاراومار
سی ای قوم بی وفا روژن بکو و شو تار ای عباس ولله تونی کر دلیر مرتضی *****************
پا یا رقیه منزل پاره او پییونه سی ای سر بالای نی قرعو ها موهونه تو همسفر مویی وا ای نامردونه بد نام میری و سر نی برار تو میفتی و نهام *****************
یا محمد سی بکو و دشت خین بار زمین یا محمد بک نظر و یشون غرقه و خین
یا محمد سی بکو که سر حسینت برین هرده و سر حسینت د جفا عمود کین ***********************
ا کر شیر خدا سی چی هیسی و ری زمین ای تو عباس علمدار وری ساقی دین وری سی کو و حسین د بی کسی سرش برین وری ا شیرعلمدار علمت ها کجا ***********************
عباس(ع) علمدار,برارم علمت کو؟ ****** ای یاروفادار برارم علمت کو؟
تو شیر دلدارمی شیر دلیر حیدر نور شو تارمی ا نور چش پیمبر توتنیا سردارمی د مین ای کارزار وسیقه سرت برار ا سردار عالمین ***************
زینبم م زینبم م دختر شیر خدام دختر فاطمه و نور دو چش مصطفی م زینبم دخت نبی اسیر قوم بی حیام که چنی و هام سر یش نور دو تا چشام ***************
یش تو و ری زمین ،غلتون خاک و خینه سی کو برار که دشمن ،چی کرده و سکینه صورتش نیلی بیه ،چشاش پر د خینه برار د غم دیریت ،ها میزنه و سینه *******************
وری ا شیر سپاه ،سی یشیا بی سر بکو وری ا شیر سپاه، سی گلیا پرپر بکو اصغرم هلاک بیه، سی لو ایا اصغر بکو بچونم کی غرق خین، سی پیکر اکبر بکو ***************************
|
About
در این وبلاگ من سعی کرده ام یک سری نوحه های لری سروده شده توسط خودم را که با رمز اللهم عجل لولیک الفرج مشخص شده است قرار دهم .
Home
|
.JPG)
